الأحد، 19 أبريل 2009

*** يا مصـــــــــــــ (أنتي أمي ) ـــــــــــــــــــــر***


(من ع لسان شاب أتغرب وأتبهدل ورجع يقول يا أبو زيد ما غزيت )

**** يا مصـــــــــــــ(أنتي أمي )ـــــــــــــــــــــر ****
___________________________


يا مصر

أنتي أمي

وأنا أبنك المجنون

وعندي

100 حول



ما شفتي مني بر

ما شفتي

إلا عقوق

بالفعل والقول



أشتقت لأم غيرك

حضنها

حضن خير

و لمستقبلي يعول




ولما رحت لأم غيرك

ملتني شعارات

وخلتني

سيف مسلول

عليكي

عاداتك

أهلك

كلك



كل شئ أخليه

فيكي

مشلول



إرادة مفيش

عقل مفيش

غير فكره

في النهاية

مقتول




ننول الرضا منها

بنظرة عين

ولو منظرتش

عقلنا

يدور ويجول




خلتني من الأخر

برجليها كرة شراب

يمين وشمال

المهم

أجيب جول



ولو محصلش

غسيل صحون

يلا يا مخبول



أيقنت أنك

يا مصر أمي

وغيرك مرات أب

أنتي بالأخلاق بتول



يا مصر أشتقت ليكي

لحضنك الدافي

وهأصبر

واللي يصبر ينول



يا شباب

خليكوا ليها

مش عليها

دايما نلعن

ونغلظ القول



واللي جرب

مرات الأب

يعرف قيمة أمه

ويا رب تكون

عقلت القول
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)